فتاة مراهقة تتعرض لابتزاز وتهديد دام شهور وارعب البلدة كلها واقلق الشرطة..والمجرم..شخص استحالة يخطر على بال احد..لا تقرئوا التعليقات الى نهاية القصة عشان تضمنوا انها ما تنحرق عليكم..صدقني مهما توقعت من الاحداث صعب خيالك ياخذك للمجرم الحقيقي في هاذي القصة

القصة حصلت في دولة اجنبية في بلده صغيرة جدا كل العائلات فيها يعرفوا بعض فيها أصلا مدرسة واحدة والبنت كانت في مدرسة ثانوية ومرتبطة بزميل لها في نفس المدرسة وجار لهم وأهلها وأهله يعرفوا بعض وأصدقاء جدا..ومعها شلتها والحياة زي أي حياة طبيعية لبنت في الثانوية

بدأت الاحداث لما وصلت رسالة لتلفون صديقها الي مرتبطه فيه انو ابعد عنها هاذي البنت مش كويسة ولكن بهلجه قاسية والفاظ خارجة.. تجاهل الرسالة فبدأت توصلها هي رسائل في تنمر وتهديد بالاذى ف تجاهلت هي كمان الرسائل وتوقف الموضوع لفترة

الى ان بدء الوضع يزيد عن حدة لما رجعت الرسائل الي بتقولها تبعد عن صديقها وكانت عدد كبير جدا وكلها تنمر وإساءة للورين البطلة..

لورين وصديقها بدأوا يشكوا في كل حد في المدرسة خاصة ان الرسائل كانت بتحكي تفاصيل ملابسها وايش بتفعل في المدرسة ف هنا بدأت تحس انها متراقبة أمها وابوها طلبوا منها تتجاهل الرسائل وخلاص ولكن الرسائل بدأت تصبح اكثر بشاعة..الفاظ خارجة جدا وأسلوب سيء والرسائل لتلفون لورين وديفد بدأت توصل لخمسين رسالة في اليوم ف اتفقوا الأهالي انهم يروحوا للمدرسة ويبلغوهم ويطلبوا منهم يتدخلوا ولما المدير شاف الرسائل قال ان هو كشخص بالغ عمره خمسين سنه حس انها فجة ومؤذية وهنا عرفوا ان الموضوع خطير جدا

صديقاتها اتفقوا يقسموا المدرسة الى مجموعات ويجلسوا جنب كل مجموعة ويقولوا كذبة معينه..الكذبة الي هتنتشر معناها ان هاذي المجموعة هي ورى الرسائل..والكذبه الوحيدة الي انتشرت هي الكذبة الي قالوها جنب لورين نفسها..فبدأ الكل يشك ان لورين بتسوي كذا عشان تجذب الانتباه

في يوم وصلت الرسائل ولورين بتعلب في مبارة كرة سلة ف بدأ الناس يستبعدوها بعد ما تكررت فكرة وصول الرسائل في وقت هي مش ماسكه تلفونها فيه

أمها وام ديفيد قرروا يروحوا المدرسة كل يوم حرفيا كل يوم عشان يراقبوا من الي بيستخدم تلفونه وقت وصول الرسائل وبدون أي نتيجة

الرسائل استمرت في تشكيك لورين في نفسها وفي شكلها والتنمر كان بشع ومؤذي وكمان كانت الرسائل بتشككها ان ديفيد بيكرهها وهيخونها ووصلت الأمور لدرجة لا تصدق لما وصلتها رسالة بتقولها اقتلي نفسك وهنا الشرطة كان لازم تدخل

بحث الأمهات بالتعاون مع الشرطة وصلهم لبنت مع لورين في فريق السله اسمها كلوي وهي قريبة ديفيد وبينها وبين لورين زي ما يقولوا غيرة بنات..الادلة كانت ان الرسائل الي وصلت موخؤا كلها لها علاقة بمباريات كرة السلة

الشرطة حاولت تثبت ان كلوي هي الفاعلة وكانت الاتهامات كلها عليها لدرجة ان العائلات كانت مصدقة انها هي لكن ماعندهم دليل..وحياة كلوي فعلا تحولت لجحيم..خاصة ان الرسائل ما وقفت والتهديدات أصبحت اعنف واقوى واشد ظلام

أخيرا ديفد ارهق وحس ان هاذي القضية كلها مؤذية بالنسبة له ف انفصل عن لورين..المدرسة الثانوية كلها عانت من الي بيحصل ولورين دخلت في حالة اكتئاب حادة وبرضو الرسائل ما توقفت

بعد شهور كانت لورين وديفد فعلا متدمرين علاقتهم انتهت الوضع في المدرسة متوتر جدا والكل بيشك في بعض وبيتهموا بعض وفجاه الضابط وبطريقة الكترونية بسيطة بعيدا عن التعقيدات ليكتشفوا المصيبة العظيمة..الرقم الي كان بيهددهم متخفي ب احد برامج التخفي..البرنامج متصل ب لاب توب..الاب توب..ب اسم الأم..ام لورين.

ايوة بالضبط..الي ورى سنتين تقريبا من المعاناة والعذاب والتنمر والتحريض على التخلص من الحياة..كان أمها

انا شفت ساعة كاملة من تبريرات الام وحاولت افهم بس ما عرفتش..قالت انها كانت مش مقتنعه بديفد كصديق لبنتها وهاذي طريقتها للتفريق بينهم..طيب والتنمر والشتائم والكلام الجارح والمؤذي؟

طبعا كانت صدمة الكل كبيرة ورهيبة واكتشفوا انها هي الي كانت بتضللهم طول الوقت وتختار من يتهموا..الام تحاكمت واتحبست بس بعد ما تسببت اثار مدمرة في حياة بنتها وكل الي كانوا حولها